Hagar í tölum
Ársreikningur Haga hf. fyrir rekstrarárið 2019/20, þ.e. tímabilið 1. mars 2019 til 29. febrúar 2020, var samþykktur og birtur þann 18. maí 2020.
Áhrif af rekstri Olíuverzlunar Íslands ehf. (Olís) og DGV ehf. á samstæðuna komu fyrst fram þann 1. desember 2018, þ.e. í upphafi fjórða ársfjórðungs 2018/19. Samanburðarfjárhæðum fyrri tímabila, þ.e. fyrstu þriggja ársfjórðunga rekstrarársins 2018/19, hefur ekki verið breytt og innifela þær því ekki rekstraráhrif af hinum nýju félögum.
Þann 1. mars 2019 var innleiddur alþjóðlegur reikningsskilastaðall IFRS 16 Leigusamningar í reikningsskil samstæðunnar. Samkvæmt nýja staðlinum er eign (réttur til að nota hina leigðu eign) og skuld vegna greiðslu leigu færð í efnahagsreikning. Leigueign í lok rekstrarárs var 9.435 milljónir króna og leiguskuld 10.167 milljónir króna. Áhrif staðalsins á rekstrarreikning ársins er 2.238 milljónir króna hækkun á EBITDA, 1.720 milljón króna hækkun á afskriftum og 564 milljón króna hækkun á vaxtagjöldum.
Rekstrarafkoma ársins 2019/20
Vörusala tímabilsins nam 116.357 milljónum króna, samanborið við 84.179 milljónir króna árið áður. Söluaukning tímabilsins milli ára er 38,2% og skýrist að mestu leyti af áhrifum Olís. Án áhrifa Olís er söluaukning félagsins 4,5% en söluaukning er m.a. í Bónus, þrátt fyrir fækkun verslana milli rekstrarára.
Tólf mánaða meðaltal vísitölu neysluverðs milli rekstrarára hefur hækkað um 2,83% en hækkun vísitölunnar án húsnæðis var 2,56%. Vísitala innkaupa í erlendum gjaldmiðlum, þar sem vegnar eru innkaupamyntir Haga, sýnir veikingu íslensku krónunnar, eða um 1,7% á samanburðartímabilinu.
Framlegð félagsins var 25.806 milljónir króna, samanborið við 20.007 milljónir króna árið áður eða 22,2% framlegð samanborið við 23,8% á fyrra ári. Rekstrarkostnaður í heild hækkar um 1.543 milljónir króna sem skýrist að mestu af áhrifum Olís en til frádráttar eru leigugreiðslur sem tekjufærðar eru vegna IFRS 16 leigustaðals að upphæð 2.238 milljónir króna. Kostnaðarhlutfallið lækkar milli ára úr 18,8% í 15,0%. Án áhrifa IFRS 16 er kostnaðarhlutfallið nú 16,9%.
| 2019/20 01.03-29.02 |
2018/19 01.03-28.02 |
Breyting í millj. kr. |
Breyting í % |
|
|---|---|---|---|---|
| Vörusala | 116.357 | 84.179 | 32.178 | 38,2% |
| Kostnaðarverð seldra vara | (90.551) | (64.172) | (26.379) | 41,1% |
| Framlegð | 25.806 | 20.007 | 5.799 | 29,0% |
| Framlegð í % | 22,2% | 23,8% | - | -1,6% |
| Aðrar rekstrartekjur | 484 | 340 | 144 | 42,4% |
| Laun og launatengd gjöld | (12.087) | (9.194) | (2.893) | 31,5% |
| Launahlutfall | 10,4% | 10,9% | - | -0,5% |
| Annar rekstrarkostnaður | (5.313) | (6.663) | 1.350 | -20,3% |
| Kostnaðarhlutfall | 4,6% | 7,9% | - | -3,3% |
| EBITDA | 8.890 | 4.490 | 4.400 | 98,0% |
| EBITDA % | 7,6% | 5,3% | - | 2,3% |
| Afskriftir | (3.927) | (1.300) | (2.627) | 202,1% |
| EBIT | 4.963 | 3.190 | 1.773 | 55,6% |
| Hrein fjármagnsgjöld | (1.327) | (295) | (1.032) | 349,8% |
| Áhrif hlutdeildarfélaga | 139 | (12) | 151 | -1258,3% |
| Hagnaður fyrir tekjuskatt | 3.775 | 2.883 | 892 | 30,9% |
| Tekjuskattur | (721) | (566) | (155) | 27,4% |
| Heildarhagnaður | 3.054 | 2.317 | 737 | 31,8% |
| Án áhrifa IFRS 16: | 2019/20 01.03-29.02 |
2018/19 01.03-28.02 |
Breyting í millj. kr. |
Breyting í % |
|---|---|---|---|---|
| Annar rekstrarkostnaður | (7.551) | (6.663) | (888) | 13,3% |
| EBITDA | 6.652 | 4.490 | 2.162 | 48,2% |
| Afskriftir | (2.207) | (1.300) | (907) | 69,8% |
| Hrein fjármagnsgjöld | (763) | (295) | (468) | 158,6% |
| Heildarhagnaður | 3.100 | 2.317 | 783 | 33,8% |
Afkoma fyrir fjármagnsliði, afskriftir og skatta (EBITDA) nam 8.890 milljónum króna, samanborið við 4.490 milljónir króna árið áður. EBITDA-hlutfall var 7,6%, samanborið við 5,3% árið áður. EBITDA afkoma án áhrifa IFRS 16 var 6.652 milljónir króna og EBITDA-hlutfall 5,7%.
Sala og EBITDA (í millj. kr.)
EBITDA Brú (Í MILLJ. KR.)
Hagnaður tímabilsins eftir skatta nam 3.054 milljónum króna, sem jafngildir 2,6% af veltu en hagnaður eftir skatta á fyrra ári var 2.317 milljónir króna eða 2,8% af veltu.
Efnahagsreikningur og sjóðstreymi ársins
Heildareignir samstæðunnar í lok rekstrarárs námu 62.708 milljónum króna. Fastafjármunir voru 47.554 milljónir króna en þar af er leigueign 9.435 milljónir króna. Veltufjármunir voru 15.154 milljónir króna en þar af eru birgðir 8.380 milljónir króna.
| 29.2.2020 | 28.2.2019 | Breyting í millj. kr. |
|
|---|---|---|---|
| Eignir | |||
| Rekstrarfjármunir | 21.985 | 19.430 | 2.555 |
| Fjárfestingarfasteignir | 4.386 | 3.863 | 523 |
| Óefnislegar eignir | 10.531 | 10.323 | 208 |
| Leigueignir | 9.435 | 0 | 9.435 |
| Aðrir fastafjármunir | 1.217 | 1.280 | (63) |
| Eignir til sölu | 0 | 430 | (430) |
| Vörubirgðir | 8.380 | 7.746 | 634 |
| Viðskiptakröfur | 4.542 | 7.043 | (2.501) |
| Handbært fé | 2.232 | 736 | 1.496 |
| Eignir samtals | 62.708 | 50.851 | 11.857 |
| Eigið fé og skuldir | |||
| Hlutafé | 1.189 | 1.213 | (24) |
| Annað eigið fé | 23.397 | 23.066 | 331 |
| Samtals | 24.586 | 24.279 | 307 |
| Hlutdeild minnihluta | 1 | - | 1 |
| Eigið fé samtals | 24.587 | 24.279 | 308 |
| Langtímaskuldir | 22.362 | 6.877 | 15.485 |
| Vaxtaberandi skammtímaskuldir | 442 | 7.631 | (7.189) |
| Skuldir við lánastofnanir | 1.273 | 800 | 473 |
| Aðrar skammtímaskuldir | 14.045 | 11.264 | 2.781 |
| Skuldir samtals | 38.122 | 26.572 | 11.550 |
| Eigið fé og skuldir samtals | 62.708 | 50.851 | 11.857 |
Nýting rekstrarfjármuna (í dögum)
Eigið fé í lok tímabilsins var 24.587 milljónir króna og eiginfjárhlutfall 39,2%. Heildarhlutafé í lok rekstrarárs nam 1.213 milljónum króna og á félagið eigin hluti að nafnverði 24 milljónir króna.
Heildarskuldir samstæðunnar voru 38.122 milljónir króna í lok rekstrarárs en þar af voru langtímaskuldir 22.362 milljónir króna. Leiguskuldir voru samtals 10.167 milljónir króna. Vaxtaberandi skuldir voru samtals 13.897 milljónir króna og nettó vaxtaberandi skuldir 11.665 milljónir króna, eða 1,3x12 mánaða EBITDA. Veltufjárhlutfall var 0,96.
Skuldsetning (í millj. kr.)
Eigið fé (í millj. kr.)
Handbært fé frá rekstri á rekstrarárinu nam 9.828 milljónum króna, samanborið við 2.882 milljónir króna á fyrra ári. Fjárfestingarhreyfingar tímabilsins voru 5.221 milljón króna, samanborið við 6.249 milljónir króna á fyrra ári. Fjármögnunarhreyfingar voru 3.111 milljónir króna, samanborið við jákvæða fjármögnunarhreyfingu að fjárhæð 3.881 milljónir króna á fyrra ári. Handbært fé í lok tímabilsins var 2.232 milljónir króna, samanborið við 736 milljónir króna árið áður.
Sjóðsteymisyfirlit (í millj. kr.)
Helstu lykiltölur má finna hér.