Stjórnarhættir (S)

Stjórnarhættir Haga hf. eru markaðir af lögum nr. 2/1995 um hlutafélög, samþykktum félagsins og starfsreglum stjórnar. Í samþykktum er kveðið á um tilgang félagsins í kafla 1, hlutafé í kafla 2, hluthafafundi í kafla 3, um stjórn og forstjóra í kafla 4 og 5 og um reikningshald og endurskoðun í kafla 6. Gildandi starfsreglur, sem voru samþykktar af stjórn þann 10. maí 2021, eru settar skv. 5. mgr. 70. gr. laga um hlutafélög og eru samþykktum félagsins til fyllingar, samanber grein 4.20 í samþykktum. Gildandi siðareglur, sem taka til allra starfsmanna Haga hf. og dótturfélaga þess, hafa einnig áhrif á stjórnarhætti félagsins, en þær voru samþykktar af stjórn Haga hf. þann 15. apríl 2021. Gildandi starfskjarastefna Haga hf. var staðfest á aðalfundi félagsins þann 9. júní 2020 og nær hún til allra helstu þátta í starfs- og launakjörum stjórnarmanna félagsins, forstjóra og annarra æðstu stjórnenda samstæðunnar. Endurskoðuð starfskjarastefna verður lögð fyrir næsta aðalfund félagsins þann 3. júní 2021.

Stjórn Haga er skipuð fimm einstaklingum en samkvæmt samþykktum félagsins skal við stjórnarkjör tryggja að hlutfall hvors kyns sé ekki lægra en 40%. Á árinu 2020 voru konur 60% stjórnarmeðlima. Þá eru starfandi þrjár nefndir hjá félaginu, endurskoðunarnefnd, starfskjaranefnd og tilnefningarnefnd. Á árinu 2020 voru formenn endurskoðunarnefndar og starfskjaranefndar kvenkyns.

G1 - Kynjahlutfall í stjórn	Einingar	2019	2020
Hlutfall kvenkyns stjórnarmeðlima (samanborið við karla)	%	40	60
Hlutfall kvenkyns nefndarformanna (samanborið við karla)	%	100	67

 

G2 - Óhæði stjórnar	Einingar	2019	2020
Hefur fyrirtækið lagt bann við að forstjóri gegni starfi stjórnarformanns?	já/nei	nei	nei
Hlutfall óháðra stjórnarmanna	%	100	100

 

G3 - Kaupaukar	Einingar	2019	2020
Hljóta stjórnendur formlegan hvata til að ná árangri á sviði sjálfbærni?	já/nei	nei	nei

 

G4 - Kjarasamningar	Einingar	2019	2020
Hlutfall starfsmanna sem falla undir almenna kjarasamninga	%	94,0	93,4

 

G5 - Siðareglur birgja	Einingar	2019	2020
Ber seljendum fyrirtækisins og birgjum þess að fylgja siðareglum?	já/nei	nei	nei
Ef já, hversu hátt hlutfall birgja hefur formlega staðfest að þeir fylgi siðareglum?	%	-	-

Stjórn Haga hefur sett félaginu og dótturfélögum siðareglur, sem upphaflega voru samþykktar í stjórn félagsins í apríl 2011. Reglurnar hafa síðan þá verið endurskoðaðar árlega, nú síðast í apríl 2021. 

G6 - Siðferði og aðgerðir gegn spillingu	Einingar	2019	2020
Framfylgir fyrirtækið siðareglum og/eða stefnu gegn spillingu og mútum?	já/nei	já	já
Ef já, hvaða hlutfall starfsmanna hefur formlega staðfest að það fylgi stefnunni?	%	0,0	0,0

Vinna við innleiðingu á lögum um persónuvernd og vinnslu persónuupplýsinga nr. 90/2018 hófst hjá samstæðunni á haustmánuðum 2017. Formleg persónuverndarstefna samstæðunnar var samþykkt af stjórn Haga í apríl 2020 en tilgangur persónuverndarstefnunnar er m.a. að upplýsa hvernig söfnun, geymslu og vinnslu persónuupplýsinga er háttað. 

G7 - Persónuvernd	Einingar	2019	2020
Framfylgir fyrirtækið persónuverndarstefnu?	já/nei	nei	já
Hefur fyrirtækið hafist handa við að framfylgja lögum um persónuvernd og vinnslu persónuupplýsinga?	já/nei	já	já

Nú er í annað sinn birt samfélagsuppgjör samstæðu Haga, skv. UFS leiðbeiningum Nasdaq. Samfélagsuppgjörið er hluti af ársskýrslu þessari, auk þess sem samfélagsskýrsla er birt á vef félagsins.

G8 - Sjálfbærniskýrsla	Einingar	2019	2020
Birtir fyrirtækið sjálfbærniskýrslu?	já/nei	já	já
Inniheldur skýrslugjöf fyrirtækisins til stjórnvalda gögn um sjálfbærni?	já/nei	já	já

Við endurskoðun stefnu Haga um samfélagslega ábyrgð í apríl 2021 völdu Hagar sex af 17 heimsmarkmiðum Sameinuðu þjóðanna sem leiðarljós í framkvæmdaráætlun sem styðja skal við stefnu félagsins um samfélagslega ábyrgð. Heimsmarkmiðin styðja stefnustoðir félagsins og er ætlað að virkja stjórnendur til innleiðingar á stefnu og framkvæmda á verkefnum. 

G9 - Starfsvenjur við upplýsingagjöf	Einingar	2019	2020
Veitir fyrirtækið upplýsingar um sjálfbærni til viðurkenndra aðila með skipulögðum hætti?	já/nei	já	já
Leggur fyrirtækið áherslu á tiltekin heimsmarkmið Sameinuðu þjóðanna um sjálfbæra þróun (UN SDGs)?	já/nei	nei	nei
Setur fyrirtæki þitt markmið og gefur skýrslu um framvindu heimsmarkmiða SÞ?	já/nei	nei	nei

 

G10 - Endurskoðun / vottun þriðja aðila	Einingar	2019	2020
Er upplýsingagjöf um sjálfbærni tryggð eða staðfest af þriðja aðila?	já/nei	nei	nei